संस्कृता श्रेष्ठभाषा
August 21, 2021 2021-08-22 0:00संस्कृता श्रेष्ठभाषा
admin 
सुकविमुनिजनैर्या, वेदभाषा प्रयुक्ता,
अभिनवनिधिरूपा, ज्ञान-विज्ञानराशे:।
अविदितमिह तत्त्वं, ब्रह्मण: किं जगत्यां
सकलबुधजनै: सा, सेवनीया सुभाषा।। 1।।
रघुकुल कलकीर्तिं, वीत्र्तयन् संस्कृते य:,
लव-कुशसदृशं वै, शिक्षयन् शिष्यवृन्दम्।
विमलनृपचरित्रं, चित्रितं रामकाव्ये,
जयतु जगति ज्येष्ठो, वाल्मीकि: कवीन्द्र:।। 2।।
कुरूकुलकलगाथां, चित्रयन् चारुकाव्ये,
सुखदभगवद्गीतां, कृष्ण-वाण्या च गीत्वा।
सुमधुरसुरवाणीं, श्रद्धया सेवमान:,
जगति मुनिवर: स:, व्यासनाम्रो महात्मा।। 3।।
भुवनविदितहासो, आसते भासरूपे,
कविकुलगुरुभूत: कालिदास: प्रसिद्ध:।
ललितपद नियोगे, गीतगोविन्दकार:,
सकलकविजनैर्या श्रद्धया सेविताऽभूत्।। 4।।
निखिलकविकुलं सेवस्व गीर्वाणवाण्या:,
अविदितरचना किन्नु हृयमीषां कवीनाम्।
सुविदितकल कीर्तिर्दण्डिवाणादिमिश्च,
सुफलितसुरवाणी, सर्वभाषासु मध्ये।। 5।।
अविकलनिधिभूता, ज्ञान-विज्ञानराशे:,
सकलरसयुता या, काव्यधारानुरगीता।
सुरसरिसमसेव्या, संस्कृता श्रेष्ठभाषा,
भरतभुवि समृद्धा भारती भारतानाम्।। 6।।
न खलु न खलु सेव्य:, संस्कृताशून्यदेश:,
न खलु न खलु गेयं देवभाषा विहीनम्।
सुविदित सुरभाषा शिक्षणीया सदैव,
विरहितसुरवाणी, स्वर्गभूमिर्न सेव्या।। 7।।
जयतु जयतु भव्या संस्कृता-विश्वभाषा,
जयतु जयतु दिव्या संस्कृते-प्राणधारा।
जयतु जयतु ज्योतिर्जन्मिनामार्यजाते:,
जयतु ननसुरवाणी भारती भारतानाम्।। 8।।
संस्कृत-दिवसे सन्या:, स्मरन्ति सुरभारतीम्।
प्रयोगे चेद् भवेन्नित्यं, भूयात् भास्वर-भारतम्।। 9।।
डॉ. कैलाशनाथ द्विवेदी
पूर्व प्राचार्य
कुसुमकुलाय, सूर्यनगरम्, अजीतमल (औरैया) उ.प्र. 206121
